საქართველოს ახალგაზრდა იურისტთა ასოციაცია იწვევს ჟურნალისტებს ტრენინგზე:

 

"ადამიანის უფლებები"

 

ჩატარდება 2 იდენტური, ორდღიანი ტრენინგი აღმოსავლეთ და დასავლეთ საქართველოს ჟურნალისტებისათვის. 

- პირველი ტრენინგი გათვალისწინებულია აღმოსავლეთ საქართველოს ჟურნალისტებისათვის და ჩატარდება 2012 წლის 1-2 დეკემბერს – ლოპოტას ტბაზე

 

- მეორე ტრენინგი გათვალისწინებულია დასავლეთ საქართველოს ჟურნალისტებისათვის და ჩატარდება – 2012 წლის 8-9 დეკემბერს – ბათუმში, შერატონი მეტეხი პალასში 

ტრენინგს ორგანიზებას უწევს საქართველოს ახალგაზრდა იურისტთა ასოციაცია.

ტრენინგის ფინანსური მხარდამჭერია საერთაშორისო კვლევისა და გაცვლების საბჭო (IREX) პროგრამის “ქართული მედია აძლიერებს დემოკრატიას, ანგარიშვალდებულებას და მოქალაქეების ინფორმირებულობას” (G-MEDIA) ფარგლებში.

ტრენინგზე განხილული იქნება შემდეგი თემები:

- ადამიანის უფლებათა და მათი დაცვის მექანიზმების ინტერაქტიული მიმოხილვა, ადამიანის ჯუფლებათა ევროპული კონვენციის ზოგადი მიმოხილვა, ადამიანის უფლებათა ევროპული სასამართლოსადმი მიმარვის პროცედურები

- შესავალი ადამიანის უფლებათა თეორიაში

- გამოხატვის თავისუფლება ზოგადად და გამოხატვის თავისუფლება სასამართლოსთან მიმართებაში

- პირადი ცხოვრების დაცულობა VS გამოხატვის თავისუფლება; ჟურნალისტური წყაროების დაცვა, გამოხატვის თავისუფლება VS რელიგიის თავისუფლება; საქართველოს წინააღმდეგ საქმეები

- უფლება სამართლიან სასამართლო განხილვაზე

- პატიმრობის სტანდარტები ადამიანის უფლებათა ევროპული კონვენციის მე-5.3 მუხლის მიხედვით

- საქართველოს წინააღმდეგ საქმეები მე-5 მუხლზე

- წამების აკრძალვა

- გამონაკლისები სიცოცხლის უფლებიდან

ტრენინგს წარუძღვებიან მაღალკვალიფიციური ექსპერტები ადამიანის უფლებათა საკითხებში.

ტრენინგში მონაწილეობის მსურველებმა:

- უნდა შეავსონ თანდართული “პროგრამის მონაწილის ანკეტა” 

- მიუთითონ ტრენინგის შესაბამისი თარიღი (აღმოსავლეთ და დასავლეთ საქართველოსათვის განკუთვნილი)

- მითითებული თარიღი და შევსებული ანკეტა გადმოაგზავნონ არაუგვიანეს ა/წ 22 ნოემბრის 18:00 საათისა, ელექტრონული ფოსტის შემდეგ მისამართზე: metreveli@gyla.ge მონაწილეების რაოდენობა შეზღუდულია და პრეტენდენტები შეირჩევიან შევსებული კითხვარის განხილვის შედეგად. 

ტრენინგში მონაწილე ჟურნალისტებისათვის უზრუნველყოფილი იქნება მგზავრობის, ცხოვრებისა და კვების ხარჯების დაფარვა ორგანიზატორების მიერ. 

აღმოსავლეთ საქართველოს ჟუნალისტების საყურადღებოდ:

- გამგზავრება თბილისიდან ლოპოტაზე იგეგმება 30 ნოემბერს 15:00 სთ-ზე, ხოლო ლოპოტადან თბილისში დაბრუნება 2 დეკემბერს 17:00 სთ-ზე.

 

დასავლეთ საქართველოს ჟურალისტების საყურადღებოდ:

- ბათუმში, სასტუმროში განთავსება იგეგმება 7 დეკემბერს 15:00 სთ-დან, ხოლო ბათუმიდან გამომგზავრება - 9 დეკემბერს 17:00 სთ-ზე. 

ტრენინგის დასრულების შემდეგ მონაწილეებზე გაიცემა სერტიფიკატები.

დავუკავშირდებით მხოლოდ შერჩეულ კანდიდატებს.

 

დამატებითი კითხვების შემთხვევაში შეგიძლიათ დაგვიკავშირდეთ.

საკონტაქტო პირი: თამარ მეტრეველი, metreveli@gyla.ge 599 51 00 63