გაცნობებთ, რომ დასრულდა კონკურსის პირველი, წერითი ეტაპი. სამოქალაქო/ადმინისტრაციული სამართლის მიმართულებით გამოცდის მაქსიმალური შეფასება შეადგენდა 16 ქულას. გასაუბრების ეტაპზე გადავიდნენ ის კონკურსანტები, რომლებმაც წერით ეტაპზე მიიღეს მინიმუმ 9.5 ქულა. სისხლის სამართლის მიმართულებით წერითი გამოცდის მაქსიმალური შეფასება შეადგენდა 8 ქულას. გასაუბრების ეტაპზე გადავიდნენ ის კონკურსანტები, რომლებმაც მიიღეს  მინიმუმ 5.5 ქულა.

გასაუბრება გაიმართება პირისპირ რეჟიმში საიას ცენტრალურ ოფისში (მის: ქ. თბილისი, ჯ. კახიძის ქ. N15)  სამოქალაქო/ადმინისტრაციული სამართლის მიმართულებით - 28 ნოემბერს, ხოლო სისხლის სამართლის მიმართულებით - 30 ნოემბერს.

წერითი დავალების შეფასების გასაგებად მონაწილეებს, რომლებიც გასაუბრების ეტაპზე ვერ გადავიდნენ, შეუძლიათ მოგვწერონ მეილზე: mgabroshvili@gyla.ge. აპელაციის უფლებით სარგებლობისთვის, კონკურსანტმა ასევე უნდა მოგვწეროს მითითებულ მეილზე შედეგების თაობაზე შეტყობინების მიღებიდან 2 დღის ვადაში. აპელაციისთვის საჭიროა კონკურსანტი საიას ოფისში შეთანხმებულ დროს გაეცნოს ნაშრომს და შემდგომ მოამზადოს დასაბუთებული სააპელაციო განაცხადი.

თანდართულ ფაილში იხილეთ გასაუბრების ეტაპზე გადასული პირების შესახებ ინფორმაცია.

მადლობას გიხდით კონკურსში მონაწილეობისთვის.