საქართველოს ახალგაზრდა იურისტთა ასოციაცია აცხადებს ტენდერს ვებგვერდის შესაქმნელად. ჩვენ ველით წინადადებებს კვალიფიციური ვებ დეველოპერებისგან, რათა შევქმნათ თანამედროვე და აუდიტორიისთვის მოსახერხებელი ვებგვერდი, რომელიც აკმაყოფილებს ჩვენი ორგანიზაციის სპეციფიკურ მოთხოვნებს.
სამუშაოს აღწერა:
- შშმ პირების საჭიროებებზე მორგებული ორენოვანი ვებგვერდის დიზაინის შექმნა და განვითარება, რომელიც თავსებადია სხვადასხვა მოწყობილობებთან.
- საიას არსებული ვებგვერდიდან www.gyla.ge ინფორმაციის გადატანა ახალ ვებგვერდზე.
- ვებგვერდის საძიებო სისტემის გამარტივება და გამართვა.
- ვებგვერდის დიზაინის შემუშავება(UI/UX);
- ვებგვერდის მორგება ჩვენი ორგანიზაციის საჭიროებებისთვის, მათ შორის განლაგება, ფერთა გამა, შრიფტები და ბრენდინგის ელემენტები.
- ძირითადი ფუნქციების ინტეგრაცია, როგორიცაა საკონტაქტო, სარეგისტრაციო, კონსულტაციების ჯავშნის და სხვა ფორმები, სოციალური მედიის ინტეგრაცია და კონტენტის მართვის სისტემა (CMS) მარტივი განახლებისთვის.
- front end & back end დეველოპმენტი;
- ვებგვერდის ოპტიმიზაცია SEO სტანდარტების მიხედვით;
გთხოვთ, მიუთითოთ შემდეგი ინფორმაცია თქვენს წინადადებაში:
1. კომპანიის პროფილი: მოკლედ აღწერეთ თქვენი კომპანის გამოცდილება, მისი ისტორიის, ექსპერტიზისა და წინა პროექტების ჩათვლით.
2. შემოთავაზებული წინადადება: მოგვაწოდეთ თქვენი შემოთავაზებული გადაწყვეტის დეტალური აღწერა, დიზაინის კონცეფციების, მახასიათებლებისა და გამოსაყენებელი ტექნოლოგიების ჩათვლით.
3. ვადები: მიუთითეთ პროექტის დასრულების სავარაუდო ვადები, ეტაპების და ჩაბარების ჩათვლით.
4. ღირებულება: მიუთითეთ ხარჯების დეტალური აღწერა, მათ შორის ყველა დაკავშირებული გადასახადი, ხარჯები და გადახდის პირობები.
წინადადების წარდგენის ბოლო ვადაა 2024 წლის 31 იანვარი 23:59 საათი.
გთხოვთ, გამოაგზავნოთ თქვენი წინადადება ფოსტაზე GYLA@GYLA.ge
წერილის სათაურში მიუთითეთ: ტენდერი ვებგვერდის დამზადებაზე.
არასრულად გამოგზავნილი განაცხადი არ განიხილება.
ჩვენ შევაფასებთ ყველა წარდგენილ წინადადებას კრეატიულობის, ტექნიკური ექსპერტიზისა და ხარჯების ეფექტურობის საფუძველზე.
თუ თქვენ გაქვთ შეკითხვა ან გჭირდებათ დამატებითი ინფორმაცია, გთხოვთ, ნუ მოგერიდებათ დაგვიკავშირდეთ ფოსტაზე : PR@GYLA.GE
წერილის სათაურში მიუთითეთ: შეკითხვა ტენდერთან დაკავშირებით.
