საქართველოს ახალგაზრდა იურისტთა ასოციაცია აცხადებს ტენდერს გრაფიკული დიზაინერის მომსახურებაზე

საქართველოს ახალგაზრდა იურისტთა ასოციაცია აცხადებს ტენდერს გრაფიკული დიზაინერის მომსახურებაზე. ტენდერის მიზანია, შეირჩეს იურიდიული/ ფიზიკური პირი, რომელიც მრავალჯერადად გაგვიწევს შემდეგი სახის მომსახურებას:

საბეჭდი და ვიზუალური მასალის მომზადება სოციალური ქსელისთვის, ვებსაიტისთვის და სხვა არხებისთვის:

- კვლევების, ბროშურების და სხვა პუბლიკაციების დიზაინის და საბეჭდი ფაილების მომზადება.

- ყდები ელექტრონული გამოცემებისთვის: გარეკანების შემუშავება ციფრული წიგნებისა და ანგარიშებისთვის.

- ინფოგრაფიკის დიზაინი: ვიზუალურად დამაჯერებელი ინფოგრაფიკის შექმნა მონაცემთა და ინფორმაციის ეფექტურად გადასაცემად.

- სოციალური მედიის საინფორმაციო ბიულეტენების დიზაინი: საინტერესო და ვიზუალურად მიმზიდველი საინფორმაციო ბიულეტენების შაბლონებისა და გრაფიკის შექმნა სოციალური მედიის პლატფორმებისთვის.

- სარეკლამო მასალები: ბანერების, პლაკატების და ფლაერების შექმნა ონლაინ და ოფლაინ გამოყენებისათვის.

- რეკლამის დიზაინი: სტატიკური და ანიმაციური რეკლამის დიზაინი სოციალური მედიისა და ციფრული კამპანიებისთვის.

- ბრენდინგის მასალები: ლოგოების, ბლანკების და ბრენდინგის სხვა ელემენტების შემუშავება.

- ღონისძიების მასალები: ღონისძიებებისთვის ვიზუალური მასალების შექმნა, როგორიცაა ბანერები, ბროშურები და ციფრული ნიშნები.

აუცილებელი მოთხოვნაა - წარმოადგინოთ:

- კომპანიის/ფიზ.პირის პორტფოლიო;

- გუნდის წევრების რეზიუმე/ ფიზ.პირის რეზიუმე

- დაახლოებითი ბიუჯეტი;

წინადადებები შეფასდება შემდეგი კრიტერიუმების მიხედვით:

- კომპანიის/ფიზიკური პირის გამოცდილება;

- წინა ნამუშევრების ხარისხი და კრეატიულობა;

- ხარჯების ეფექტურობა;

- სამუშაოს შესრულების ვადები.

ტენდერში მონაწილეობის მსურველმა უნდა წარმოადგინონ დოკუმენტები და სატენდერო წინადადება ელექტრონული ფორმით შემდეგ მისამართზე: anitabidze@gyla.ge

გთხოვთ, დასახელებაში მიუთითოთ „სატენდერო წინადადება - გრაფიკული დიზაინერის მომსახურება “, შეკითხვების არსებობის შემთხვევაში გთხოვთ, მოგვმართოთ anitabidze@gyla.ge

ელექტრონული განაცხადების მიღების ბოლო ვადაა 1-ლი ივლისი, 18:00 საათი